Назад к списку

"Чиргэл" озо балаакканан лаазыра

                  

Дьааҥы Боруулааҕар 2011 сыллаахтан сайын аайы «Солобуйуоп ампаара» диэн сиргэ эколого-биологическай хайысхалаах «Чиргэл» оҕо балаакканан лааҕыра тэриллэн үлэлиир. Адыаччы, Боруулаах, Баатаҕай оскуолатыттан уопсайа 14 оҕо дьарыктанар. 


                   Дьааҥы оройуонун Оҕо киинин учуутала М.Н. Артемьева оҕолорго “Айылҕаны чинчийээччи” диэн бырагырааманан үүнээйилэр араастарын: эмтээх, ойуур, хонуу, истиэп айылҕатын уратыларын үөрэттэ. Оҕолор эмтээх үүнээйилэр тустарынан иһитиннэриилэри оҥордулар, чинчийиилэрин түмүгүнэн үлэлэрин отчуоттаатылар. Күнүскү өртүгэр лааҕыр салайааччыта, химия учуутала Сардаана Юмшанова көһө сылдьар химиятын лабораториятыгар астына дьарыктаннылар. 

                    Боруулаахтааҕы агро-оскуола ыҥырыытынан, тыа хаһаайыстыбатын академиятыттан наука кандидата Дария Степанова кэлэн, биогумус ньыматынан үүнээйи буорун бэлэмнииргэ, хоту сиргэ сөптөөх ньыманы туттарга үөрэтэр. 2015 сыллаахха үлэтин саҕалаабыт гибрид чиэрбэ ферматын көрдө-иһиттэ. Тыа хаһаайыстыбатыгар туһалаах “Уйгу” вермиферма чиэрбэлэрэ үчүгэйдик көрүллэн элбээбиттэрин бэлиэтээтилэр. 

                   Оҕолор билиилэрин хаҥаталларыгар, сынньаналларыгар усулуобуйа барыта баар: сахалыы сиэри-туому тутуһуу, үүнээйини көрүү-харайыы, үөрэтии, көрдөөх-нардаах тэрээһиннэр, дуоһуйа сөтүөлээһин, тотоойу ас, сайыҥҥы умнуллубат түгэннэр. Сылаас күннэр тураннар сотору оҕолор үлэлэрин түмүгэ көстүөҕэ.